Иракли Ҕарибашвили  Словакиа адәныҟатәи европатәи аусқәа рзы аминистр  Иван Корчок диҧылеит
Иракли Ҕарибашвили  Словакиа адәныҟатәи европатәи аусқәа рзы аминистр  Иван Корчок диҧылеит

Қырҭтәыла аҧыза-министр Иракли Ҕарибашвили аофициалтә визитла Қырҭтәыла иаҭааиз Словакиа адәныҟатәи европатәи аусқәа рзы аминистр  Иван Корчок диҧылеит.

Аиҧылараҿы аганқәа рхаҭарнакцәа Қырҭтәыла евроинтеграциа апроцесс иалацәажәан, ишазгәарҭаз ала,  Қырҭтәыла анапхгара, Евроеидгыла алалара амзызла,  2024 шықәсазы аофициалтә азыҳәамҭа аҟаҵаразы рҽазыҟарҵоит. Аиҧылараҿы иазааҭгылеит хара имгакәа имҩаҧысраны иҟоу Мрагыларатә партниорра асаммит.  Иракли Ҕарибашвили ишьақәирҕәҕәеит   «Ассоциациатә трио» иалахәы атәылақәа европатәи аҽазышәарақәа ишрызгәыку.   Иаҵшьны иазгәаҭан Евроеидгылеи   «Ассоциациатә трио» алахәылацәеи рыбжьара аусеицура арҕәҕәареи, иара убас, ари апроцесс аҿы Словакиа аҟынтә адгылареи аҵакы.

Иара убас, аиҧылараҿы иаҵшьны иазгәаҭан Қырҭтәылазы аҵакы ду шамоу НАТО – Қырҭтәылатәи апакет анагӡараҿы Словакиа алахәызаара.

Иван Корчок аҧыза-министр изышьақәирҕәҕәеит Словакиа Қырҭтәыла ахьыҧшымреи аҵакырадгьылтә акзаареи ишадгыло.

Хшыҩзышьҭра рызун ампыҵахалатә цәаҳәа инаваршәны инхо ауааҧсыра рпроблемақәа, ишазгәаҭаз ала, иахьа  Иван Корчок, иара ихаҭа аҭыҧашҟа днеины, аҭагылазаашьа зеиҧшроу ибоит.

Ираклий Ҕарибашвили  Словакиа адәныҟатәи европатәи аусқәа рзы аминистр ҭабуп ҳәа иеиҳәеит словакиатәи амониторцәа Евроеидгыла анаҧшратә миссиа иахьалахәыз азыҳәан.

 

Акомментари аҟаҵара