Иракли Ҕарибашвили афонд "Қарҭу" аҧарала ирҽеиз Озургеҭтәи адраматә театр ааиртит [афото]
Иракли Ҕарибашвили афонд "Қарҭу" аҧарала ирҽеиз Озургеҭтәи адраматә театр ааиртит [афото]

«Иахьа, иашаҵәҟьаны, аныҳәа дууп, Озургеҭи арҧшӡоит 150 шықәса зхыҵуа абри атеатр», — иҳәеит  Қырҭтәыла Аҧыза-министр Иракли Ҕарибашвили ишеибгоу аханатә ирҽеиу, Алеқсандр Ҵуҵунава ихьӡ зху Аҳәынҭқарратә драматә театр аартра ацеремониаҿы.

Иракли Ҕарибашвили ишиҳәаз ала, атеатр еиҭашьақәыргылоуп Биӡина Иванишвилии афонд «Карту»-и рҧарала.

Аиҭашьақәыргыларатә усурақәа рыбзоурала, Озургеҭтәи адраматә театр ҳаамҭазтәи абжьытәи арлашаратәи системақәа рыла еибыҭоуп. Атеатр аҩнуҵҟа еиҿкаауп 2 сценаки, арадиоспектакльқәа ранҵара иазку арадиостудиеи.  Ахыбыраҿы еиқәыршәоуп зылшарақәа  маҷу ауаа ирзыманшәалоу аҭагылазаашьақәа зегьы.

Атеатр акультуратә ҭынха абаҟа астатус анашьоуп.

Аҧыза-министри, апарламент ахантәаҩы Каха Куҷавеи, акультуреи аспорти аҿар русқәеи рзы аминистр Ҭеа Ҵулукиании, анагӡаратәи азакәанҧҵаратәи мчра ахаҭарнакцәеи,   аханатә ирҽеиу, Алеқсандр Ҵуҵунава ихьӡ зху Аҳәынҭқарратә драматә театр аҿы Нодар Думбаӡе иҧҵамҭақәа рыла иқәыргылаз аспектакль рбеит.