“Қырҭтәыла раҧхьатәи ареспублика ахьыҧшымра  ацәыӡреи Қырҭтәыла асоветтә мчра ашьақәыргылареи инаркны  100 шықәса анҵы, ҳара даҽазнык иҳгәалаҳаршәароуп  аҳәынҭқарреи уи ахьыҧшымреи ҳара ҳзы зегьы реиҳа иду аихьӡара шакәу”, – иҳәеит Қырҭтәыла Аԥыза-министр Иракли Ӷарибашвили.

Аиҳабыра рнапхгаҩы иажәақәа рыла,  мраҭашәаратә интеграциа ҳҳәынҭқарразы зда ҧсыхәа иҟам ҭагылазаашьоуп.

“Ҳара ҳазынтәгьы аҧсадгьылк ауп иҳамоу, тәылак ҳахылҵит.  Иахьа Қырҭтәыла аҿаҧхьа крызҵазкәа аҳасабтәқәа иқәгылоуп. Апандемиа амшала, ҳтәылеи ҳажәлари рекономикатәи рсоциалтәи ҭагылазаашьа иаҳа еицәахеит.  Иара убас, исериозу агеополитикатә аҳасабтәқәеи адәныҟа-политикатә хықәкқәеи ҳамоуп. Ҳполитикатә хәаҧшырақәа егьа еиҧшымзаргьы, абарҭ аҳасабтәқәеи ахықәкқәеи рынагӡаразы ҳазынтәгьы ҳаидгылароуп. Қырҭтәыла раҧхьатәи ареспублика ахьыҧшымра  ацәыӡреи Қырҭтәыла асоветтә мчра ашьақәыргылареи инаркны  100 шықәса анҵы, ҳара даҽазнык иҳгәалаҳаршәароуп  аҳәынҭқарреи уи ахьыҧшымреи ҳара ҳзы зегьы реиҳа иду аихьӡара шакәу.  Мраҭашәаратә интеграциа ҳҳәынҭқарразы зда ҧсыхәа иҟам ҭагылазаашьоуп. Убри аҟынтә,  ҳара ҳазынтәгьы ҳҳәынҭқарреи уи азакәанқәеи рыхьчара иҳуалуп, уи азы  аҭакҧхықәра ҳадуп,” – иануп Аԥыза-министр иҳәамҭа аҿы.