Иенс Столтенберг – Қырҭтәылеи Украинеи  - НАТО иазааигәоу, алианс алалара иазҿлымҳау,  крызҵазкәа ҳпартниорцәа роуп
Иенс Столтенберг – Қырҭтәылеи Украинеи  - НАТО иазааигәоу, алианс алалара иазҿлымҳау,  крызҵазкәа ҳпартниорцәа роуп

«Қырҭтәылеи Украинеи  – НАТО иазааигәоу, алианс алалара иазҿлымҳау,  крызҵазкәа ҳпартниорцәа роуп», —иҳәеит НАТО амаӡаныҟәгаҩ хада Иенс Столтенберг Бриуссель, адәныҟатәи аусқәа аминистериал иалагаанӡа мышқәак шагу.

Иара иажәақәа рыла, аминистериал аҿы Алианс алахәылацәа Қырҭтәылеи Украинеи рхаҭарнакцәа ирацәажәоит  арегион аҿы аҭагылазаашьа иазкны.

«Иара убас, ҳара Қырҭтәылеи Украинеи рхаҭарнакцәа ҳрацәажәоит арегион аҿы аҭагылазаашьа иазкны. Арҭ атәылақәа НАТО иазааигәоу, алианс алалара иазҿлымҳау, крызҵазкәа ҳпартниорцәа роуп. Ҳара аполитикатәгьы апрактикатәгьы ганахьала ҳрыцхраауеит», — иҳәеит амаӡаныҟәгаҩ хада.

Столтенберг ишиҳәаз ала, аиҧылараҿы иазааҭгылоит абарҭ атәылақәа рҿы имҩаҧгатәу ареформақәагьы. Иара ишазгәеиҭаз ала, зыӡбахәы ҳәоу атәылақәа  ҳаҧхьаҟа НАТО иалалоу иаламлоу иахьымҧшыкәа, ареформақәа мҩаҧгатәуп.

«Иара убас, ҳара аҩ-тәылак рҿы ареформақәа рымҩаҧгара азҵаара ]азааҭгылоит. Ареформақәа рымҩаҧгареи, акоррупциа аҿагылареи, ахыхьчареи ашәарҭадареи аструктура арҿыцреи  аҵакы ду амоуп ҳәа сгәы иаанагоит», — иазгәеиҭеит Столтенберг.

 

Акомментари аҟаҵара