Ақырҭуа аҩы хкқәак Иапониа имҩаҧысуаз аконкурс «Сакура» аҿы 13 ахьтәы медалқәеи араӡнытә медалки ранашьан
12:58, 11.03.2021
Ақырҭуа аҩы хкқәак Иапониа имҩаҧысуаз аконкурс «Сакура» аҿы 13 ахьтәы медалқәеи араӡнытә медалки ранашьан
Аҩы амилаҭтә агентра адыррақәа рыла, Иапониа имҩаҧысуаз аконкурс аҿы ақырҭуа аҩы ақәҿиара ду аман.
«Жәларбжьратәи аконкурс Sakura Award — зымҽхак дуу аусмҩаҧгоуп. Уи аҿы ицәырган аҩы 4000 хкқәа 32 ҳәынҭқарра рҟынтә. Ажиури иалан Иапониа аҩыҟаҵара аусхкы аҿы аус зуа аҳәса — сомелие, иара убас, аҩы атема иазҿлымҳау ашәҟәыҩҩцәеи ажурналистцәеи.
Аҵыхтәантәи ашықәсқәа рзы ақырҭуа аҩы ари аконкурс аҿы имаҷымкәа аҳамҭақәа аиухьеит. Сынтәагьы, ақырҭуа аҩы хкқәак 13 ахьтәы медалқәеи араӡнытә медалки ранашьан», — иануп аинформациаҿы.
