«Ақырҭуа гәахәтәы» Кристиан Даниелсон идокумент рнапы аҵарҩуеит
«Ақырҭуа гәахәтәы» Кристиан Даниелсон идокумент рнапы аҵарҩуеит

Иахьа  «Ақырҭуа гәахәтәы», аргама рнапы аҵарҩуеит Евроеидгылеи Европатәи Ахеилак ахада Шарль Мишели рыбжьацәажәара ала еиқәыршәаз адокумент.  Уажәааны имҩаҧгаз абрифинг ҷыда аҿы ари атәы ааицҳаит апарламент ахантәаҩы Арчил Ҭалакваӡе.

«Иахьа атәылаҿы, хазы иҟоу партиақәак дара рхатә партиатә интересқәа иаҳа аҧыжәара рырҭоит аҳәынҭқарреи ажәлари ринтересқәа раасҭа. Ишыжәдыруа ала, Европатәи Ахеилак ахада Шарль Мишель Қырҭтәылаҟа ихатә хаҭарнак дааишьҭит. Аполитикатә диалог аҿы афасилитациа иҧсахын абжьацәажәара ала.  Амедиатор апартиақәа зегьы ирыдигалар акәын  аполитикатә партиақәа зегьы рнапы зҵарҩыша ииашоу аиқәшаҳаҭра апроект.  Амедиатор, Америкеи Евроеидгылеи рыцҳаражәҳәаҩцәа рҽалархәра ала, абри аҩыза адокумент еиқәыршәаны, Евроеидгыла ахьӡала анапаҵаҩразы апартиақәа ириҭеит. Иахьа  «Ақырҭуа гәахәтәы» аргама рнапы аҵарҩуеит Кристиан Даниелсон идокумент», — иҳәеит Арчил Ҭалакваӡе.

Кристиан Даниелсон ақырҭуа политкиатә партиақәа рхаҭарнакцәа абри адокумент риҭеит хәажәкыра 31 рзы. Адокумент аҿы иарбоу аҭагылазаашьақәа Қырҭтәыла аполитикатә кризис аҧыхра иазкуп.

Акомментари аҟаҵара