Аҧыза министр – Аҳәынҭқарра ҳаҧхьаҟагьы аҭыҧантәи ааглыхра иацхраауеит
Аҧыза министр – Аҳәынҭқарра ҳаҧхьаҟагьы аҭыҧантәи ааглыхра иацхраауеит

Аҧыза министр – Аҳәынҭқарра ҳаҧхьаҟагьы аҭыҧантәи ааглыхра иацхраауеит

«Аҭыҧантәи ааглыхра ҳаҧхьаҟагьы ацхыраара амазаауеит, избанзар уи аусуратә ҭыҧқәа раҧҵареи абизнес маҷ аҿиареи иацхраауеит. Ҳаиҳабыра акыршықәса рыҩнуҵҟа имҩаҧырго апрограммақәа абри ауп хықәкыс ирымоу», —  иҳәеит Қырҭтәыла аҧыза-министр Гьаргь Гахариа Гуриа арегион Квирикеҭи ақыҭаҿ даныҟаз, уаҟа норвегиатәи акалмаҳааӡарҭа ҿыц  «Гуриа Фиш» ибеит.

«Азинҷыдала агрокредит» аҳәаақәа ирҭагӡаны  1 500 000 лари ззоушьҭыз, аҧсыӡааӡарҭаҿы аиҳабыра рнапхгаҩы аусуратә процесс шымҩаҧысуа гәеиҭеит. Аферма аҧшәма ишиҳәаз ала, аилахәыра  «Гуриа Фиш»  аҿы ирааӡо норвегиатәи акалмаҳа аҭыҧантәи, иара убас, аекспорттәи аџьармыкьақәа рҿы ирҭиуеит.

Уажәазы аилахәыра иалаҵоуп 1 200 000 евро, ахыркәшаратә етап азы аилахәыра иҵегьы  25 000 000 евро аиуеит. Аилахәыраҿы 12ҩык аус руеит.