Америка Пекинтәи аолимпиада аофициалла адипломатиатә боикот азнауеит
Америка Пекинтәи аолимпиада аофициалла адипломатиатә боикот азнауеит

Еиду Америкатәи Аштатқәа Пекинтәи аолимпиада аофициалла адипломатиатә боикот адҟанаҵалоит, – ари атәы ааицҳаит Аҩны шкәакәа апрессмаӡаныҟәгаҩ Џьен Паски.

Еиду Америкатәи Аштатқәа 2022 шықәсазы Пекин имҩаԥысран иҟоу аӡынтәи аолимпиада аофициалла адипломатиатә боикот адҟанаҵалоит. Абоикот иадҳәалоуп Китаи ауаҩытәыҩса изинқәа реилагара. Ари аӡбамҭа иадгылеит адемократцәеи ареспубликатәи партиа ахаҭарнакцәеи. Урҭ Китаи иақәыӡбеит Гон Конг апротест аимырппреи, Тибети Таивани рганахьала имҩаԥнаго аполитикеи рзы, иара убас аԥсылман уигурелцәа раанкылареи, урҭ рыргәаҟреи рзы.

Аха адипломатиатә боикот америкатәи аспортсменцәа аолимпиада аҽалархәра иаԥырхагахом.

Пекинтәи аӡынтәи аолимпиада жәабран 4-20 рзы мҩаԥгахоит.

Акомментари аҟаҵара