«Сара   «Намахвани ГЕС»  апроект астратегиатә ҵакы шамоу агәра ганы сыҟамзҭгьы, иахьа абра сгыланы, ааҧхьара ҟасҵомызт», — илҳәеит аекономикеи иҭышәынтәалоу аҿиареи азы аминистр Наҭиа Турнава.

Турнава   «Намахвани ГЕС» аргылара иаҿагылоу ауааҧсыра иқәдыргылаз аҳәарақәа дырзааҭгылеит.

«Ҳара агәра ганы ҳаҟоуп аенергетикатә система ҕәҕәа шыргылатәу, избанзар уи ҳтәыла аекономикатә хьыҧшымра арҕәҕәоит.  «Намахвани ГЭС» –  иалукааша проектуп, ибзиаҵәҟьаны еиқәыршәоуп, ҳенергетикатә системашҟа алагала ду ҟанаҵоит, убри аҟынтә, аусура наҳагӡоит», — илҳәеит Турнава.

Лара лажәақәа рыла, акциа алахәылацәа рҟны аимадара еиҿкаазароуп аформат иаша аҿы.

«Ҳара, ҧасеиҧш, адиалоги аимадареи ҳазҿлымҳауп. Аха, еиҭасҳәар сҭахуп,  ҳара аформат иаша аҿы аимадара ҳамазароуп, аспециалистцәеи аҵарауааи рҽалархәра ала. Адәахьы  асеисмологиеи, агеологиеи, агидроргыламҭа  аҕәҕәареи алацәажәара ҟалом», — илҳәеит Турнава.