Михеил Саакашвили ҳадгьыл ишьапы анықәиргыло иаразнак дааныркылоит, абахҭа дҭаркуеит, ари апроцесс иаԥырхагахо ауаҩыцыԥхьаӡа азакәан инақәыршәаны ақәнага иақәдыршәоит, – иҳәеит Қырҭтәыла аԥыза-министр Иракли Ӷарибашвили.

Ӷарибашвили иажәақәа рыла, Саакажвили абахҭа дҭакызароуп, уи атәыла аԥырхага ду азааигеит.

“Ажәлар дәылҵсны срыхьчоит, сыдгылоит ҳәа ииҳәо имцуп. Хәнызқьҩык реизгара илшоит, уаҳа акгьы илшом. Ҳара адгылаҩцәа рацәаӡаны реизгара, рмобилизациа ҳалшоит. Саакашвили жәанызқҩык игәааны иҟоу атәылауаа иԥылоит. Еиҭах ауаа ржьара рҭахуп, аилаҩынтра иалагар рҭахуп. Ари азы имариоу аҭак ҳамоуп – Михеил Саакашвили ҳадгьыл ишьапы анықәиргыло иаразнак дааныркылоит, абахҭа дҭаркуеит, ари апроцесс иаԥырхагахо ауаҩыцыԥхьаӡа азакәан инақәыршәаны ақәнага иақәдыршәоит,” – иҳәеит Иракли Ӷарибашвили.